सम्राट क्षेत्री/ कैलाली जिल्ला घोडाघोडी नगरपालिका २ मा तरकारी बोकेको जीपले ठक्कर दिदा घोडाघोडी १ का साइकल यात्री शंकर डगौरा को मृत्यु र दुई जना घाइते भएका छन्
जिल्ला प्रहरी कार्यालयका प्रवक्ता प्रहरी नायब उपरीक्षक राजकुमार सिंहले पूर्व पश्चिम राजमार्गमा बिहान टनकपुर बाट पूर्व तर्फ गइरहेको लु २ च २३५८ नम्बरको जीपले ठक्कर दिदा १ जनाको मृत्यु भएको र दुई जना घाइते भएको बताउनुभयो
दुई जना घाइते हुनेमा घोडाघोडी नगरपालिका २ का ५४ बर्षिय पैदल यात्री पदम बहादुर शाहीको बायाँ खुट्टा, बायाँ हातमा चोट लागेको छ भने अर्का साइकल यात्री बर्दगोरिया गाउँपालिका ६ कोटा तुलसीपुरका ४५ बर्षिय हर्क बहादुर डगौरा रहेको र उनको दायाँ हात,खुट्टा र छातीमा चोट लागेको र दुबैको सि यस अस्पतालमा उपचार भइ रहेको प्रहरी ले जनाएको छ
जीप चालक रोल्पा जिल्ला त्रिवेणी गाउँपालिका ४ का २३ बर्षीय सन्तोष घर्ती र जिप इलाका प्रहरी कार्यालय सुखड को नियन्त्रणमा रहेका छन् |